افغاني انجونو له پاره ځانګړي زده کړې او پیاوړتیا پروګرامونه(برنامي)

د مور نړیوال ښوونيز انيسټیټیوټ(موسسه)، د هغو انجونو له پاره چې په افغانستان کې له زده کړو څخه بې برخې سوي دي، په ملي ژبو د افغانستان ملي نصاب په مطابقت سره په منځني کچه (اووم تر دولسم ټولګي) پوري خپلی برنامی وړاندې کوي. دا پروګرام په شپږو سطحو(کچو) له ۹۰ څخه زیات کورسونه وړاندې کوي.

مسلکي او حرفوي زده کړه او روزنه د زده کوونکو عملي مهارتونه او د ځانګړي مسلک، تجارت(سوداګري)او یا کسب او کار له پاره د پوهې زیاتوالي سبب کیږي. دا روزنه او برنامي ښځو او انجونو ته د تخنیکي او مسلکي مهارتونو روزنه ورکوي چې د کور څخه ترسره کیدونکي ځانګړي کارونو له پاره اړین او مهارت ورښيي.

زموږ لومړیتوب دا دی چې ښځینه زده کوونکي د هغو کورسونو بشپړولو ته وهڅوو چې په افغانستان کې په ښوونځیو او پوهنتونونو کې اوسمهال بند سوي دي لومړۍ ګټه اخیستونکي او ګډون كوونكي به هغه زده کوونکي وي چې زموږ د پروګرام له لارې د خپلې زده کړې وروستی کال بشپړوي او دا به د افغانستان په لوړو زده کړو کې د مختلفو برخو د پراختیا سبب وکړځې.

ملي ژبې د کلتوري پوهې، تجربې او ارزښتونو سره تړاو لري. ژبې یوازې د اړیکې وسیلې نه دي، بلکې د ملي، محلي پوهي او حکمت خزانه ده چې د نسلونو  ترمنځ لیږدول سوې ده. د زده کړې او ښووني پروسه کې د ملي ژبو ژوندی ساتل د تنوع ساتني، کثرت گرایی او د دوی د دوام اساس دی. له همدې امله، د مورنیو ژبو زده کړييز پروګرامونه وړاندې کول چې د کلتوري تنوع ساتلو او ټولنیزي اړیکې په زیاتولو کې مرسته کوي زموږ د اجنډا او برنامو په لومړيتوب كي دی.