زموږ د پاڼې په اړه

یوه پرمختللې مجازي نړیواله اداره یا موسسه ده چې د متخصصو ښوونکو او استادانو سره د حقیقي او ریښتینی وخت ټولګی او درسونه وړاندې کوي. دا درسونه په بشپړه او نیمه مجازي او آنلاین  ټولګیو کې ترسره کیږي، چې په ملي ژبو تدریس کیږي. د مور نړی وال ښوونيز انيسټیټیوټ(موسسی) د نړۍ په کچه د افرادو پیاوړتیا ته ژمن دی ترڅو کیفیت لرونکي زده کړو ته د ټولو له پاره لاسرسی مهیا کړي.

د مور نړی وال ښوونيز انيسټیټیوټ(موسسی) یوه غیرسیاسي او بې‌طرفه موسسه ده چې د سیاسي، مذهبي، قومي او ژبنیو ملحوظاتو په پام کې نه نیولو سره، تعلیم ته د لاسرسي حق چې یوه بنسټیزه بشري حق دی، بیا رامنځته کولو او ملاتړ کول هدف لري. دا علمي موسسه د میلیونونو انجونو او ښځو له پاره د زده کړو ته د لاسرسي لومړیتوب ته پاملرنه کوي چې د هر دلیل له امله ترې محرومې دي.

د مور نړی وال ښوونيز انيسټیټیوټ(موسسی) د مورني ژبې په توګه د زده کړې حق ته ځانګړی اهمیت ورکوي او د مورني ژبې په مرسته د زده کړو وړاندې کولو ته لومړیتوب ورکوي. د مورني ژبې په توګه د زده کړې حق یوه بشري او بنسټیز بشري حق دی. د دا حق په اړه په نړیوالو اسنادو او تړونونو کښی ټینګار سوی، چې په کښی د ژبنیو حقوقو نړیواله اعلامیه، د اصلي او بومی اوسیدونکو د حقوقو اعلامیه، د ماشومانو د حقوقو کنوانسیون، او د مدني او سیاسي حقوقو نړیوال میثاقونه شامل دي. د مورني ژبې اهمیت په زده کړه کې دا ده ځکه چې دا د فرد کلتوري اړیکه او هویت د خپلې ټولنې سره پیاوړی کوي، او په زده کوونکو کې د زده کړې او مفاهیمو د درک په انکشاف کې مرسته کوي. په استرالیا کې په مورني ژبه کې زده کړه او د مورني ژبې ساتنه او پرمختګ ځانګړی ځای او اهمیت لري، لکه څنګه چې د څو نړیوالو قانوني کنوانسیونونو په تصویب او تایید کې څرګندېږي.

د مور نړی وال ښوونيز انيسټیټیوټ(موسسی) د مورني ژبې د زده کړو پروګرامونه (په لومړی کې په پښتو او دري) د هغو ماشومانو له پاره وړاندې کوي چې خپل عمومي زده کړه په یوه بلې ژبې تعقیبوي. د مور نړی وال ښوونيز انيسټیټیوټ(موسسی) د افغانستان د تعلیمی سیستم په اساس ثانوي زده کړه، لنډمهاله حرفوي روزنه، او د لیسانس کورسونو تکمیلونکی  پروگرامونه وړاندې کوي. د ښځو او انجونو پیاوړتيا د ټولنیز پرمختګ له پاره مهمه او مرسته کوي او د ټولنې ټولو برخو له پاره د زده کړو لاسرسي زیاتوي.