انستیتوت بین‌المللي تعلیمي “مادر” خوشحاله دی چې د ۲۰۲۵ کال لپاره د افغان انجونو لپاره په منځنۍ ښوونځیو (صنف ۷ تر ۱۱) کې د یو کال ۲۰۰ بورسونو شتون اعلان کړي. د منځنۍ ښوونځي پروګرام لپاره د غوښتنلیک فورمه زموږ په ویب‌سایټ کې موجوده ده. موږ په درنښت له تاسو غوښتنه کوو چې لاندې لینک له خپلو دوستانو، زده‌کوونکو او هر هغه چا سره چې ممکن د مستحق زده‌کوونکو سره اړیکه ولري شریک کړئ. دا برنامه د افغانستان دننه زده‌کوونکو لپاره وړیا ده او په هر ډول وسیله کې د لاسرسي وړ ده. متأسفانه، انستیتوت بین‌المللي تعلیمي “مادر” د زده‌کوونکو لپاره انټرنیټ یا وسایل لکه لپټاپ یا سمارټ فون نه شي برابرولای.

دا برنامه د افغانستان د معارف د نصاب (۲۰۲۱) پر بنسټ، د LMS د زده کړې مدیریت سیسټم معیارونو سره سم، او د استرالیا د miied.moodlecloud.com آنلاین تعلیمي چاپېریال په کارولو سره ترتیب شوې ده. ښوونکي او روزونکې ښځینه ښوونکي د زده‌کوونکو د درس ورکولو او لارښوونې لپاره معرفي کېږي. زده‌کوونکي د درې تعلیمي ترمونو په جریان کې د خپل اړوند صنف نصاب د افغانستان ملي نصاب سره سم د Fully Synchronous (مستقیم تدریس) او Simi Synchronous (نیمه مستقیم تدریس) طریقې په کارولو سره زده کوي.

هغه نهادونه، سازمانونه او کسان چې غواړي د زده‌کوونکو د انټرنیټ لګښتونو کې مرسته وکړي، د انستیتوت بین‌المللي تعلیمي “مادر” له خوا هرکلی کېږي او ستایل کېږي.

د نوو زده‌کوونکو د منلو شرایط او مرحلې

• دا مرحله یوازې د منځنۍ او لیسې زده‌کوونکو لپاره ده: (صنفونه ۷، ۸، ۹، ۱۰ او ۱۱)

• د هر صنف لپاره لږ تر لږه ۲۵ او زیات تر زیات ۳۵ زده‌کوونکي منل کېږي

• غوښتونکي په لومړي پړاو کې د انګلیسي ژبې فورمه په بشپړه توګه ډکوي

• هغه غوښتونکي چې فورمه یې په دقیقه توګه ډکه شوې وي، شارټ لیست ته داخليږي

• شارټ لیست شوې زده‌کوونکي او د هغوی والدین د مرکې لپاره بلل کېږي

• د مرکې وروسته، د غوره شوو زده‌کوونکو معلومات، د تابعیت کارت یا پاسپورټ کاپي، د تیرو دوه صنفونو کارنامه/اطلاعیه، او عکس په سیستم کې اپلوډ کېږي

• له افغانستان څخه ۱۰۰ زده‌کوونکي به د مارچ له ۱۵مې ۲۰۲۵ څخه د یو کال لپاره په وړیا توګه په انستیتوت بین‌المللي تعلیمي “مادر” کې شامل شي

• له افغانستان څخه ۱۰۰ نور زده‌کوونکي به د جون له ۱۵مې ۲۰۲۵ څخه د یو کال لپاره په وړیا توګه په انستیتوت بین‌المللي تعلیمي “مادر” کې شامل شي

د غوښتنلیک فورمه:
https://forms.gle/dKuT2xJ5P2qiBsc37